. : : Omar عمر : : .

علبة سجاير وولاعتين  دالين على قصر الإدين وإندهاش المسكونين .. ولإنحدار المستوى تتضاعف الحكمة وتصبح حكمتين .. إحنا هنغرق لو جربنا وعُمنا لحد الشمس؟؟ .. أسئلة اليوم مختلفة كتير عن أسئلة الأمس والعالم برانا مليان أو متغلف بالهمس متتاليات أرقام ورموز الدالة الموجية وميكانيكا الكم واقع شارد مليان بالهم .. سحر التكنولوجيا جنون الأيدولوجيا عطايا الآلهة ودم

علشان قاري  فكان بيشغل المهووس ويرسم جوة عينه طاووس وكان بيقدر جوه منه يطيره وجوة العقل يحفر كلمتين عن رب فيتهيأله انها ربة وكان بيشغل المهووس ولما يشغله يسأل سالتك ليه؟ ولما يسأله يبقى أكيد مِتّرَب ويحفر كلمتين عن رب  ويسأل نفسه ألف سؤال  منين وازاي لماذا وكم؟ ويتجنن بفيزيا الكم ويتكلم كلام تاني عن الاحلام  من اللي تخش جواها تلاقي سلام سلام عالام سلام عالإبن سلام عالأب

الحكاية .. بتبتدي بنهاية تشبه المأساة نقطة تحول .. لحظة سكون جايه من الصدمة دوشة مشاعر كركبة افكار وانتظار الانتظار.. .. كل التشابه بين المآسي .. مختلف طعم الخمرة مع الدموع .. مختلف حتي تواطؤ الأحلام مع الاحزان مختلف ومع كل هذا الاختلاف في بينهم متشابهات والسُكر بيصبح وعي مضاف للوعي .. رحلة البحث عن المعنى جت متأخرة أعوام وأعوام وفروق التوقيت كانت أسباب متناهية في العمق كانت خفية خفاء الأزمنة وغريبة زي غربة الإمكان .. وبالنبش في الماضي ممكن نلاقي الذاتي بيصارع الآتي ويبدل العناوين وفهمت في الرحلة ..  إني مملكش معين وشيخ طريقتي أنا وبقابله بالصدفة .. طاردتني المقامات .. تطمين واتعلمت من الصدف .. التخمين لفيت الدايرة لحد ما دخت ودخت ودخت وفي عز صراعي مع الدوخة  فوقني الباب ولقيت نفسي جوة السرداب .. قبلها علي طول  في الأوضة التانية وقفت وانا لابس نفسي قدام وردة كنت راسمها علشان تشبهني من الاطراف وحاولت لمرة اخيرة  إني أتماها مع الألوان...