سموات

وفي عز الرحلة اليومية

من أجل البحث عن السموات

دورت أنا ياما في وسط حاجات

عن سما تعجبني وملقتهاش

عاوز سما صافية وفيها سحاب 

راسم روسومات

عاوز ألوان الطيف السبعة

يرسموا قوس ألوانه أكتر من الألوان

أنا بشرب قهوة في كباية مش في الفنجان

علشان اتفرج من بره على رسم البن على الجدران

عفاريت الفناجين بتطاردك علشان تحكيلك عالحكايات

مع أن الحكايات مش سهلة

وساعات بتكون مش مستاهلة

تتحط في رف مع الروايات

ممكن تتقال في قصيدة يادوب أربع أبيات