. : : Omar عمر : : .

وفي عز الرحلة اليومية من أجل البحث عن السموات دورت أنا ياما في وسط حاجات عن سما تعجبني وملقتهاش عاوز سما صافية وفيها سحاب  راسم روسومات عاوز ألوان الطيف السبعة يرسموا قوس ألوانه أكتر من الألوان أنا بشرب قهوة في كباية مش في الفنجان علشان اتفرج من بره على رسم البن على الجدران عفاريت الفناجين بتطاردك علشان تحكيلك عالحكايات مع أن الحكايات مش سهلة وساعات بتكون مش مستاهلة تتحط في رف مع الروايات ممكن تتقال في قصيدة يادوب أربع أبيات

سيحاربونك كل يوم نصف ساعة حتى لا تنسى الحروب سيعلمونك كيف تشتري البضاعة حتى لا تنسى السجون وسيخبرونك أن في العالم مجاعة حتى تعرف من تكون وبعدها سيوَلوِلون و يوَلوِلون و يوَلوِلون 

كان القمر على اليمين .. والشمس كانت عالشمال وفي النص كان واقف يشيد بالمعجزة .. واقف بتخطب لجل ناس خبت وشوشها في الرمال؟ مستني إيه من الليالي المنجزة؟ .. تبدأ سريعاً .. تنتهي .. وكل يوم في موعظة .. مستني تلمح أخطبوط ..طاير يرفرف بالرجول؟؟ مستني غول طيب خجول؟؟ مستني ساحر ..يسحر الناس بالطبول؟؟ مستني إيه علشان تقول؟؟ طير قبل ما تنول الرضا طير قبل ما تلاقي المطر أصبح سيول الحب أجمل من الحياة .. الحب مش محتاج ذهول

هنا مكتوب كدة بالنص إياكم تخرجوا عن النص هنا لازم تكون مختص هنا الواجب هو الواجب هنا النادم هو النادب هنا اللي بيختلف في النص بيتعاقب وده الواجب

أمسك في يدي الكشكول لأدون فيه الملحوظات والملحوظ اللا ملحوظ اني أمكث في اللحظات طويلاً ... ابدو هادئ .. وللحظة .. يبدو اليوم كيوم آخر تمتلئ الغيمة بالمطرة والعرافات .. يقلقن منامات الكهنة ينطلق الشيخ الى الحانة ينتقل القس الى المقهى ويعود الرب الى الوحدة ... ومازلنا في نفس اللحظة

تحت السما.. كان فيه تراب والتراب .. عامل غيام وكل شئ عرفته كان .. بالغلط إسمه علام بطلوا تسقونا بالغصب الكلام والأسئلة كانت كتير.. كانت لما؟ إزاي؟ بكام والحمام .. مش بس معمول للسلام العميق قال للمسطح البشر ..نيام نيام بطلوا تسقونا بالغصب الكلام واللي شفته في المنام المسيح نازل بجيش بيدعي .. على الارض المسرة وبيضرب الناس بالسهام