فنجان
قريت فنجان عن الدنيا بيتكلم
وفي الفنجان قريت عن جان بيتألم
وعن إنسان
وعن حيوان بيتعذب لإنه عاش معانا في بيت
وعن دنيا ومش دنيا
وعن فنان لكنه في في مخه جنان
وفي الفنجان قريت عن حُب
لكنه لسه جوه الجُب متخبي
وقريت عن رعب متعبي في قزايز خام
بيتوزع من الحاخام
ساعات أحلام .. وساعات تانية يكون أفلام
وقريت عن أرض زي الأم بتحضنا
وعمر في يوم ما بتخنا
وعن أنهار بتسقي الأرض لعيونا
وبزرة تترمي في الأرض تطرح خير
وتصبح طير
يطير بينا في سما زرقا
زي ما رسمنا خط السير
2012
Comments
Post a Comment