إكتب
إكتب
اصل مش فاضل خلاص غير الكتابة
إكتب خواطر .. ذكريات .. إكتب ألم
إكتب ماهو مفاضلش غير ورقة وقلم
***
إكتب مواجع واكتئاب .. إكتب هباب
إكتب وشخبط .. كل أشكال العذاب
إكتب عن الشمس اللي وقعت في المحيط
إكتب عن المأساة .. وعن الجرح الغويط
***
وعن حياتي وعن حياة الناس وروحها
عن عيون مبتسمة .. بتلملم جروحها
عن شرود ... وليالي باردة
أو سواد بيعمي عيني وهي شاردة
***
إكتب عن المكتوب عليك يوم الهزيمة
إكتب لو كنت لاقي للكتابة لسة قيمة
ولملم اللي كتبته كله وإحرقه
يمكن القيمة تكون في حاجات قديمة
***
Comments
Post a Comment