. : : Omar عمر : : .

حُب وشغل وفن وثورة وسهرة طويلة مع ناس بتحِب الإنسان حُب وشغل وفن وبن وقهوة .. وشاي بحليب وسادة كمان  حُب وشغل وبولة في بولة إلعب جوكر إلعب بوكر إرسم رسمة وعيش فنان حُب  و حُب   وحُب   وحُب وهُب لقيت ان انا انسان

إكتب اصل مش فاضل خلاص غير الكتابة إكتب خواطر .. ذكريات .. إكتب ألم إكتب ماهو مفاضلش غير ورقة وقلم *** إكتب مواجع واكتئاب .. إكتب هباب  إكتب وشخبط .. كل أشكال العذاب إكتب عن الشمس اللي وقعت في المحيط إكتب عن المأساة .. وعن الجرح الغويط *** وعن حياتي وعن حياة الناس وروحها عن عيون مبتسمة ..  بتلملم جروحها عن شرود  ...  وليالي باردة  أو سواد بيعمي عيني وهي شاردة *** إكتب عن المكتوب عليك يوم الهزيمة إكتب لو كنت لاقي للكتابة لسة قيمة ولملم اللي كتبته كله وإحرقه يمكن القيمة تكون في حاجات قديمة ***