كمان الحزن يشبهني
أنا والحزن كان لازم نكون أصحاب
لا يوم أنساه ولا يسيبني
أنا والحزن كان لازم
...
أنا صوت البكا صوتي
أنا أصلاً مبفهمش أما بتكلم
ولا بفهمني في سكوتي
...
كمان الحزن يشبهني
يشبه كمان ضحكتي المكتومة في الآهة
ويشبه الآهة اللي عاملة نفسها ضحكة
ويشبهني
...
فأنا صوت البكا صوتي
وأنا والحزن متلازمين
بنعرف نقضي أوقاتنا كبني آدمين
فنحكي لبعض حكاياتنا اللي تشبه بعض
ونسمع أنين أوجاعنا مزيكا
ونرفع القبعة للي بيعرف يمسح ألمه بأستيكة
ونتكلم ونتساير
ونضحك علينا لأننا عارفين
إن إحنا كان لازم نكون أصحاب
Comments
Post a Comment