كنبة
كل الفرش ..حتى السيجارة وقعوا ورا الكنبة
وأنا والكنبة مش أصحاب
متعرفنيش ولا أعرفها
ولا أعرف حتى إيه جابها تعد جنبي.. ولا أعرفها
والكنبة دي .. مش زي الكنب .. عادي
مش بتعمل نفسها بتضحك على العادي
دي ساكتة سكوت .. زي الجماد والموت
ساكتة ومش مبتسمة عالفاضي
ساكتة عشان ساكت
وحزينة على حزني وكئيبة عالفاضي
..
أحط عليها كراكيبي فتتكركب
وأشيلهم منها لجل ينام واحد صاحبي فتترتب
وتستنى..
فيجي صحاب ويمشوا صحاب
وهي صامدة زي الكرسي زي الباب
يعدي اليوم .. ويعدي بعده يجي ميت يوم
ولسة الكنبة عاملة بقها زعلان
ولسة الدنيا قالبة وشها عليا ..
وده العادي
وأنا والكنبة مش أصحاب
متعرفنيش ولا أعرفها
ولا أعرف حتى إيه جابها تعد جنبي.. ولا أعرفها
والكنبة دي .. مش زي الكنب .. عادي
مش بتعمل نفسها بتضحك على العادي
دي ساكتة سكوت .. زي الجماد والموت
ساكتة ومش مبتسمة عالفاضي
ساكتة عشان ساكت
وحزينة على حزني وكئيبة عالفاضي
..
أحط عليها كراكيبي فتتكركب
وأشيلهم منها لجل ينام واحد صاحبي فتترتب
وتستنى..
فيجي صحاب ويمشوا صحاب
وهي صامدة زي الكرسي زي الباب
يعدي اليوم .. ويعدي بعده يجي ميت يوم
ولسة الكنبة عاملة بقها زعلان
ولسة الدنيا قالبة وشها عليا ..
وده العادي
Comments
Post a Comment