. : : Omar عمر : : .

أنا الانسان دم المسيح سايل على الجبهة وحق القدس في رقبتي ليوم الدين  وديني الحب  فانا الدائن وانا اللي مدين وانا اللي الحب جنني  وخد مني  فأعطيته  و أعفيته 2012

ياللي مش عاوز تشوف الناس وحوش  محتاج تشوف الناس بشر  واجب تآمن بالقدر  وممكن تلم اللي اتبشر ومنه تعمل معجزات  وكمان تلملم في الرصاص ، تكتب بأيد سر الحياه  وبأيد تغير للوحوش هذا القدر  واجب تكون إنت البشر  وإنت الرسول المنتظر  وتجيب من المنظور    كمان وجهة نظر 2012

عندي رغبة للكتابة عالحيطان عن حنانك في الميدان عن زمان المش زمان عن مكان شكله كان غير المكان عن سعاده و عن أمان ... عن وطن، جوة الوطن، فيه وطن ، وأنا فيه وطن عن بطون عايشة بتاكل من سعادة في العيون عن عطن عندي رغبة للكتابة عن الوطن

إلهام يعني إيه إلهام ؟؟ ومين بيلهم مين ؟؟ وإزاي بيتكرر ؟؟ وإيه بيلهم فين ؟؟ دا أنا كنت بتصور  .. إن الحياه تتفهم منغير متتصور فتتصور ؟؟!! لقيت الدنيا بتلف البحور بيا ومجنناني لكني ابن جنية لو جت تجنني فهجنن المجانين واقلب عاليها واطيها بالقلب .. والنية انا كان مجنني .. ان الجنان جني طلع الجنان مني وانا اللي ١٠٠ مية 2012