مليونية عيد العمال - ١ مايو - ميدان التحرير
Posts
Showing posts from April, 2011
إنسان؟؟
- Get link
- X
- Other Apps
انسان .. كمان كائن .. جبان عايش .. مكان ميت .. زمان عاقل .. مُدان مجنون .. ميدان ساكت .. عشان حلمه .. الأمان لكن .. يا مان اسمع .. هذان كلمة .. وحصان لكمة .. وحنان ترجع .. تبان نداغ .. لبان وقميص.. ساتان بطاريق .. حيتان زحمة .. كيان رغبة .. وعيدان نور .. شمعدان زي الكراسي .. والصولجان عيشته كدة .. زي الديدان ميت ؟؟ .. سيان
جوه النوم
- Get link
- X
- Other Apps
بنام أوقات فـالاقي حياتي تتبدل بكام صورة وبالنغمات ساعات كلمات وجوه النوم …. أشوف الكورة بلورة .. توري حالات ومتوريش وناس بعرفها معرفهاش والاقي وشها التاني ميعرفنيش وأشوفني ماشي قدامي وقدامي مبيشوفنيش ويتزرع الشجر تاني فاروحلو بسرعة يلقاني فيحضني ولا يسيبنيش وبحر مراكبه عربية وقصر بيبانه مبتفتحش غير ليا وكل مباحث الدنيا متقفشنيش وأنام تاني .. واشوف الناس بتنساني وناس تانية بتبصملي على جناني ومتقوليش